Տեխասում բժիշկները փոխպատվաստել են մազերով գանգ. 1in.am

55-ամյա Ջիմ Բոյզենը քաղցկեղի բուժումից հետո մնացել էր գլխի բաց վերքով, ինչը չէր փակվում: Տեխասի բժիշկները փոխպատվաստել են հիվանդի գանգի մեծ մասը՝ մազածածկույթի հետ միասին:

Վիրահատությունից հետո նա Associated Press-ի գործակալներին ասել է, որ զարմացած է, թե ինչքան լավ են բժիշկներն իր համար գանգ ընտրել, և կատակել, որ իր գլխին երբեք այդքան շատ մազ չի եղել: Ավելի վաղ այդպիսի հիվանդներին փոխպատվաստում էին իմպլանտներ կամ գանգի հասարակ ոսկրեր: Սա առաջին վիրահատությունն էր, երբ մարդուն փոխպատվաստում են գանգի մեծ մասը մազերի հետ միասին՝ իրական դոնորից:

Ջիմ Բոյզենը երկու շաբաթ է անցկացրել հիվանդանոցում և արդեն պատրաստվում է տուն գնալ:

Հարցեր, պատասխաններ, մեկնաբանություններ